Astananyń elordalyq saıabaǵynda jańa attraktsıon ornatylmaq
ASTANA. QazAqparat - Elordalyq saıabaqta tolyqqandy jóndeý jumystary júrgizilýde. Barlyq jobalardy aǵymdaǵy jylǵy Astana kúnin merekeleý qarsańynda aıaqtaý josparlanýda. Bul týraly Astana qalasy ákimi apparatynyń baspasóz qyzmetine Kommýnaldyq sharýashylyq basqarmasynan habarlady.
Sonymen, saıabaqta burynǵyǵa qaraǵanda, dıametri úlken jańa aınalmaly sholý dóńgelegi attraktsıony ornatylýda. Qazirgi ýaqytta baqta 12 attraktsıon bar. Olardyń beseýi aqaýlyqtary bolǵandyqtan, qyzmeti toqtatyldy. Al 7-eýi jóndelip, paıdalanýǵa beriledi. Sondaı-aq, astanalyq balaqaılarǵa jańa balalar alańdary, kóp qyzmetti keshender, sport trenajerlary ornatylmaq.
"Sondaı-aq keıbir júgirý alańdarynda shańǵy tebetin joldarǵa zamanaýı sporttyq trenajerlar ornatylady. Astananyń jazy tym qysqa, sondyqtan qazir jaz mindetterin alǵa qoıdyq, demalys kezeńderinde Astanaǵa ózge óńirlerden qydyryp kelgen qonaqtar tamashalaý úshin, bizdiń de turǵyndar jaqsy tynyǵýy úshin qalalyq saıabaqty retke keltirýmiz qajet", - dedi basqarmadan. Eske sala keteıik, saıabaq 6 ýchaskege bólingen: jaǵajaı, ortalyq alleıa, ishinde bezendirilgen órnektermen 4 úńgirden turatyn kompozıtsııa, qurǵaq sýburqaq, olımpıadalyqtar alańy.
