Astananyń eki turǵyny Qaraótkel aýylynda pyshaqtasyp, bir er adam mert boldy
ASTANA. 16 qazan. QazAqparat - Aqmola oblysy Tselınograd aýdanynyń Qaraótkel aýylynda polıtseıler 36 jastaǵy er adamnyń óltirilgenin tirkedi.
Aqmola oblystyq ІІD-niń baspasóz qyzmetinen habarlaǵandaı, oqıǵa 13 qazan kúni eldi mekendegi dúkenderdiń biriniń qasynda oryn aldy. Astananyń eki turǵyny arasynda janjal týyndap, arty tóbeleske ulasqan. Nátıjesinde er adamdardyń biri qarsylasyna pyshaq suǵyp óltirgen.
Atalǵan faktige qatysty QR QK-niń 96 babynyń 1 bólimi (adam óltirý) boıynsha qylmystyq is qozǵaldy, ustalǵan azamat ýaqytsha ustaý abaqtysyna qamaldy.
Belgili bolǵandaı, eki er adam da Qaraótkel aýylynda sharýashylyq ǵımarattardy salýmen aınalysqan.
