Astananyń eki kóshesinde jaryqdıodty shamdar ornatylady
ASTANA. QazAqparat - Astananyń eki kóshesinde jaryqdıodty shamdar ornatylady, dep habarlaıdy Saryarqa aýdanynyń ákimi Arman Turlybek Feısbýktegi paraqshasynda.
«Biz kóshelerdi jaryqtandyrý júıesin damytýdy jalǵastyryp jatyrmyz. Eski nusqadaǵy JKÝ-15 kóshe shamdaryn zamanaýı jaryqdıodty shamdarǵa aýystyrý jumystaryn bastadyq. Saryarqa jáne Abaı dańǵyldary boıynda qýaty 180 Vatt 168 jaryqdıodty shamdardy ornatý josparlanyp otyr. Kenesary dańǵylyndaǵy shamdar zamanaýı úlgisine aýystyryldy» delingen habarlamada.
Aýdan ákiminiń málimetinshe, atalǵan jaryq qurylǵylary joǵary qaýipsizdigimen erekshelenedi. Soqqyǵa tózimdi jáne olardyń quramynda synap joq, synsa qorshaǵan ortaǵa zardap tıgizbeıdi.
Sonymen qatar, jaryqdıodty shamdardyń taǵy bir artyqshylyǵy - tabıǵı jaryqqa barynsha uqsaıtyn, anyq tústerdi berýinde. Olar tez qosylady jáne tómen temperatýra kezinde úzilissiz jumys isteıdi. Al bul bizdiń klımattyq jaǵdaıda ózekti bolyp tabylady.
Odan bólek, mundaı shamdar buǵan deıin paıdalanylyp kelgen nusqaǵa qaraǵanda ájeptáýir únemdi kórinedi.
«Kósheni jaryqtandyrý úshin jaryqdıodty shamdardy paıdalaný elektr energııasyn aıtarlyqtaı únemdeıdi. Óz kezeginde bul bıýdjettik qarajatty únemdeýge múmkindik beredi. Sonymen qosa, jaryqdıodty shamdardy merzimdi paıdalaný qyzmet kórsetý salasyndaǵy shyǵyndardy qysqartýǵa múmkindik beredi. Olar kádimgi kóshe shamdarynan óziniń qyzmettik sapasy, paıdalaný sıpaty jáne únemdiligi jaǵynan aıtarlyqtaı asady» delingen postta.
