Astananyń botanıkalyq baǵy týraly beıneklıp jarııalandy
ASTANA. QazAqparat - Resmı ashylýyna sanaýly kúnder qalǵan Astananyń Botanıkalyq baǵy týraly Youtube jelisinde beıneklıp jarııalandy, dep habarlaıdy QazAqparat tilshisi.
Beınematerıal Youtube-tiń Urban Sky arnasyna júktelgen jáne túsirilim jumystary kvadrokoptermen júrgizilgen .
Eske sala ketsek, aýmaǵy 100 gektardy quraıtyn nysan qurylysy 2016 jyly bastaldy jáne 2018 jyldyń 1 shildesinde Botanıkalyq baq alǵashqy kelýshilerin qabyldaı bastaıdy.
Botanıkalyq baqqa qaıyń, terek, úıeńki, arsha, manchjýr jańǵaq taly, Sibir samyrsyny, qaraǵaı, boz arsha, moıyl syndy 94 myń aǵash otyrǵyzylady.
Jobany júzege asyrý aıasynda dóńgelek alań (kirý aýmaǵy), jabyq jylyjaı, jasandy sý qoımasy, aqparattyq ortalyq jáne jaıaý júrginshiler kópirin salý josparlanǵan.
Sondaı-aq, munda ǵylymı taldamalar, tanymdyq, oqý-aǵartýshylyq, kóńil kóterý, ekologııalyq jáne qorshaǵan ortany qorǵaýǵa baǵyttalǵan sharalar ótedi. Elorda turǵyndary men qonaqtary botanıkalyq baqqa jyl boıy úzdiksiz kele alady.
