Astananyń bıznes ortalyqtary jańa standarttarǵa saı salynady
ASTANA. QazAqparat - Jeke kásipkerlerge ózderine unaǵan jáne qaltasyna qonymdy úı-jaıdy tabýy jeńil bolady,-dep habarlaıdy Astana qalasy ákimdiginiń medıa ortalyǵy.
Qala bıligi jańa eýropalyq standartqa saı keletin QNME-n (Qurylys normalary men erejeleri) engizýdi josparlap otyr. Sońǵysy aıtarlyqtaı jeńildetilip, óz kezeginde ǵımarattyn qurylys qunyna áser etýi múmkin. Bul týraly búgin Orta Azııalyq jyljymaıtyn múlik forýmynda Astana qalasy ákiminiń orynbasary Málıka Bekturova aıtty.
«Biz kásipkerlerge ofıstik úı-jaılardyń shaǵyn mólsherlisin jalǵa berý jaıyn talqyladyq. Jáne QNME boıynsha shekteýler bary anyq, qurylysshylarǵa bundaı ǵımarattar salý qıyn. ıAǵnı sharshy metri az, oǵan qosa jýynatyn bólme men dárethananyń bolýy, ol qurylysshy úshin belgili bir qolaısyzdyqtar týdyrady. Olarǵa osynyń barlyǵyn qurylys qunyna engizý kerek. Jánede bul jobalaý barysyna yńǵaısyzdyq týdyrady. Óıtkeni qazirgi zamanǵy ǵımarattar múlde basqa talaptardy qajet etedi. Jalpy biz eýropalyq standarttardy engizýdi qolǵa alýdy kózdep otyrmyz», - dep aıtty M.Bekturova.
