Astananyń birqatar aýdandarynda eki kún boıy ystyq sý berý toqtatylady
ASTANA. 9 shilde. QazAqparat - Elordanyń birqatar aýdandarynda eki kún boıy, ıaǵnı 9-10 shildede ystyq sýmen qamtý toqtatylady.
Bul týraly astana.kz saıty habarlaıdy.
«Astana-Jylýtranzıt» AQ baspasóz qyzmetiniń málimetine qaraǵanda, ystyq sýdyń ýaqytsha toqtatylýy qysqa ázirlik pen jylý magıstraldaryndaǵy tyǵyzdyqty tekserýge baılanysty bolýda. Jumys 9 jáne 10 shilde kúnderi júrgiziledi. Osyǵan oraı, ystyq sý Qajymuqan kóshesi, M.Jumabaev, Abylaıhan, B.Momyshuly dańǵyldary, Jırentaev, Petrov, Kúıshi Dına, Mahtumquly, Manas, Rysqulbekov, Mustafın, Qudaıberdiuly, Músirepov, Maılın kóshelerinde berilmeıdi.
«Kásiporyndar men uıymdar basshylary, Páter ıeleri kooperatıvteri jáne óńirlik kásiporyn tóraǵalary uıǵarymǵa sáıkes ystyq sý júıesin jeliden aǵytyp, atalǵan kezeńde kezekshilik uıymdastyrýy qajet. Jylý jelisindegi barlyq jumystar toqtatylýy kerek», dep eskertedi kompanııa.
