Astananyń birqatar aýdandarynda 2 kúnge ystyq sý toqtatylady
ASTANA. 18 maýsym. QazAqparat - Elordanyń keıbir aýdandarynda eki kún boıy ystyq sý berilmeıdi.
Bul týraly astana.kz saıtyna «Astana-JylýTranzıt» AQ baspasóz qyzmetinen habarlady.
«Jylý magıstraldarynda tyǵyzdyqty tekserip, aldaǵy maýsymǵa ázirlikti pysyqtaý maqsatynda 18-19 maýsym kúnderi qalanyń keıbir aýdandarynda ystyq sý berý toqtatylady», - delingen habarlamada.
Atap aıtqanda: Energetıkter kenti, Aqbulaq-1, Aqbulaq-2, Aqbulaq-3, Aqbulaq-4, Táýelsizdik, Momyshuly dańǵyldary, Maılın, Aqyrtas, Jaıdarman, Mırzoıan, Qarqabat, Syǵanaq, Saraıshyq, Qaldaıaqov, Baıtursynov, Táshenov kósheleriniń boıynda ornalasqan turǵyn úılerde ystyq sý toqtatylady.
Kásiporyndar men uıym basshylary, PIK, ÓK tóraǵalary osy uıǵarymǵa sáıkes ystyq sýmen jabdyqtaý jelisin ajyratyp, eki kún boıy kezekshilik uıymdastyrýy qajet. Jylý júıesindegi barlyq jumystar toqtatylýy kerek.
