Astananyń bir aýdanynda ǵana velosıped urlyǵynyń 575 faktisi tirkelgen - Prokýratýra
ASTANA. Qazaqparat - Sońǵy ýaqytta Astana qalasy boıynsha ǵalamtor qoldanýshylary arasynda áleýmettik jelilerde velosıpedterdiń urlanǵandyǵy jaıly habarlardyń jarııalanýy jıileı tústi, dep habarlady Astana qalasy Almaty aýdanynyń prokýratýrasynan.
Aǵymdaǵy jyldyń ótken kezeńinde Astana qalasynyń Almaty aýdanynda velosıped urlyǵynyń 575 faktisi tirkelgen, biraq olardyń tek, 5,7 paıyzy ǵana ashyldy. Ashylǵan isterdiń deni vıdeobaqylaý kameralarynyń kómegimen bolǵan. 20 qyrkúıekte Almaty aýdany prokýrorynyń kómekshisi A.Aımahanov óz úıiniń aýlasynda velosıped urlamaq bolǵan adamdy ustady. Velosıpedti asyǵa áketip bara jatqan júrisi kúmándi adamdy kóre sala ol ony toqtatpaq bolady. Biraq ury velosıpedpen qash jóneledi. Alaıda, qyzmetker qylmyskerdi qýyp jetip, jerge qulatyp, polıtsııa qyzmetkeri kelgenshe ustaıdy. Qylmysker urlyq jasaǵanyn moıyndap, búgingi kúni is sotta qaralýda.
