Astananyń bilim kórmesi ashyldy
ASTANA. Tamyzdyń 24-i. QazAqparat /Arman Asqarov/ - Búgin elordadaǵy Kongress-holl saraıynda «Astananyń bilim keńistigi» atty XI bilim kórmesi ashyldy, dep habarlaıdy QazAqparat.
Bıylǵy is-shara bilim sapasyn baǵalaý, mektepke deıingi bilim berý, halyqaralyq tájirıbe almasý, kóptildi jáne kásiptik oqytý, orta bilim berý salasyn basqarý, básekege qabiletti ustaz daıyndaý, mekteptiń ulttyq úlgisin qalyptastyrý jáne tehnıkalyq bilim berý sapasyn kóterý baǵyttary boıynsha uıymdastyrylyp otyr. Sondaı-aq bul jerde oqytýshylar men oqýshylardyń kitap kórmesi ashyldy.
Kórme tamyzdyń 25-sine deıin jalǵasady. Іs-sharanyń uıymdastyrýshylary - Astana qalasynyń bilim basqarmasy, Biliktilikti arttyrý jáne bilim júıesi mamandaryn daıarlaý ınstıtýty, «Ádilet» kásipodaǵy.
