Astananyń bilim berý mekemelerinde aýa raıyna baılanysty sabaqty toqtatý parametrleri
ASTANA. QazAqparat - Astana qalasynyń Bilim basqarmasy Astana qalasy ákimdigimen kelisip belgilengen, qysqy kezeńdegi aýa-raıynyń qolaısyz jaǵdaılaryna baılanysty qala boıynsha bilim mekemelerindegi (jalpy bilim beretin mektepter, kolledjderdiń 1-2 kýrs stýdentteri úshin) sabaqty toqtatý parametrlerin usynady, dep habarlady qalalyq ákimdiktiń baspasóz qyzmetinen.
Bilim basqarmasynyń habarlaýynsha, balalardyń qaýipsizdigi men densaýlyǵyn saqtaý maqsatynda, bilim mekemelerinde sabaqty toqtatýdyń parametrleri: - 1-4 synyptarda aýanyń temperatýrasy mınýs 25 gradýs jáne odan tómen bolǵanda (atmosferalyq aýanyń temperatýrasy jeldiń jyldamdyǵyna sáıkes); - 1-9 synyptarda aýanyń temperatýrasy mınýs 30 gradýs jáne odan tómen (atmosferalyq aýanyń temperatýrasy jeldiń jyldamdyǵyna sáıkes) bolǵanda; - 1-11 (12) synyptarda, kolledjderde (1-2 kýrs stýdentteri) úshin aýanyń temperatýrasy mınýs 35 gradýs jáne odan tómen (atmosferalyq aýanyń temperatýrasy jeldiń jyldamdyǵyna sáıkes) bolǵanda; Aıta ketý kerek, eger jeldiń kúshi 15-20 m/s bolǵanda aýa temperatýrasy kúsheıedi (qatty jel, boran, kórý deńgeıiniń tómendeýi). Sabaqty toqtatý týraly aqparatty 6.45-ten 7.00-ge deıin (birinshi aýysym) jáne 12.15-ten 12.30-ǵa deıin (ekinshi aýysym) kelesi aqparat kózderinen ala alady: - «Alma TV» kabeldik júıesine qosylǵan bolsańyz, «31-arna», «STV» arnalarynyń júgirtpe jolynda, «Alma TV», Astanatelekom «Digital TV» kabeldi televızııalyq júıesiniń aqparattyq kanalynan jazbasha túrde habarlama beriledi; - «Habar», «Qazaqstan-1», «ORT Qazaqstan», «Astana TV», «KTK», «NTK» telearnalarynan «daýysty habarlama» beriledi; - «Radıo-Astana», «Retro-FM», «Qazaqstan-RV», «Avto-radıo», «Shalqar» radıo tolqyndarynan «daýysty habarlama» beriledi; - 169 (aqyly), 109 (uıaly telefonnan aqysyz) telefondaryna qonyraý shalýǵa bolady; - Astana qalasy ákimdiginiń www. astana.gov.kz saıtynda beriledi; - Bilim basqarmasynyń bilim.astana.kz saıtynda sabaqty toqtatý parametrleri týraly aqparat berilgen; - Ata-analar úshin balalary oqıtyn mekteptiń kezekshi telefonyna, synyp jetekshisine, mektep ákimshiligine habarlasýǵa bolady. Eskertý: Ata-analardyń esine, sabaqty toqtatý týraly aqparat kórsetilgen ýaqytta beriledi. Qys mezgilinde aýa-raıynyń sýyqtyǵyn eskerip balalaryńyzǵa jyly kıinýdi, aqparatty ýaqytyly tyńdaýyn qatań tapsyrýlaryńyzdy ótinemiz.
