Astananyń Baıqońyr aýdanynda jańa HQO ashyldy
Bul - elordadaǵy 10-shy halyqqa qyzmet kórsetý ortalyǵy. Saltanatty is-sharaǵa memlekettik korporatsııanyń basqarma tóraǵasy Abylaıhan Ospanov jáne Astana qalasy Baıqońyr aýdanynyń ákimi Erlan Kanalımov qatysty.
Eske salsaq, Baıqońyr aýdany Astanadaǵy Saryarqa jáne Almaty aýdandarynyń keıbir bólikterinen quralǵan. Turǵyndarǵa yńǵaıly bolý úshin uıymdastyrylǵan jańa HQO Abaı dańǵyly, 80 úı meken-jaıynda ornalasqan.
«Taǵy bir front-ofıstiń ashylýy astanalyqtardyń tańdaý múmkindigin ulǵaıtyp, basqa bólimderdegi júktemeni azaıtýǵa septigin tıgizedi. Ǵımarat keń jáne yńǵaıly bolǵandyqtan, azamattarǵa qajetti sektorlardyń barlyǵy bar: jeńildik terezesi, qoǵamdyq qoljetimdilik pýnktileri, ózine-ózi qyzmet kórsetý jáne ETsQ berý sektory, sondaı-aq mıgratsııalyq polıtsııa qyzmetkerleriniń sektory men kassalar», - dedi «Azamattarǵa arnalǵan úkimettiń» tóraǵasy Abylaıhan Ospanov.
Jańa bólim úsh qabatty ǵımarattyń 2 myń sharshy metrden astam aýdandy quraıtyn birinshi qabatynda ornalasqan. Bul jerde operatorlarǵa arnalǵan 13 jumys ústeli, ózine-ózi qyzmet kórsetý sektorynda 15 jumys orny jáne elektrondyq tsıfrlyq qoltańba beriletin 4 ústel bar. Sondaı-aq azamattardy turǵylyqty jeri boıynsha tirkep, qujattaryn daıyndaýmen aınalysatyn mıgratsııalyq qyzmet mamandaryna 4 jumys orny qarastyrylǵan. Onyń ústine turǵyndar memlekettik bajdy bólimniń aýmaǵynda ashylǵan kassalarynda tóleı alady.
Baıqońyr aýdandyq HQO-da múmkindigi shekteýli tulǵalarǵa da barynsha jaǵdaı jasalǵan: pandýstar, jeńildik terezesi, shaqyrtý tetikteri. Bólimge kelýshiler úshin arnaıy avtoturaq ta bar.
Ǵımarattyń ekinshi jáne úshinshi qabattarynda da «Azamattarǵa arnalǵan úkimettiń» bólimderi, ıaǵnı jyljymatıyn múlikti tirkep, zeınetaqy men járdemaqyny esepteıtin bek-ofısteri ornalasqan.
Eske sala keteıik, halyqqa qyzmet kórsetý ortalyqtary dúısenbi men senbi aralyǵynda saǵat 9.00-den 20.00-ge deıin úzilissiz jumys isteıdi.
