Astananyń basty shańǵy merekesi aqpanda ótedi
ASTANA. QazAqparat - Astana qalasy Týrızm, dene tárbıesi jáne sport basqarmasynyń habarlaýynsha, 28 aqpanda Astanada jyldyń basty shańǵy merekesi «Burqasyn-2015» ótedi, dep jazady «Astana aqshamy» basylymy. Shańǵymen júgirý Esil ózeniniń arnasynda (Qalalyq saıabaq) jáne Saryarqa dań¬ǵylyndaǵy kópir men jaıaý júr¬ginshiler kópiriniń ortasynda («Astana Park» qonaqúıiniń qasynda) ótedi.
Sharaǵa orta arnaýly jáne joǵary oqý oryndarynyń us¬tazdary men stýdentteri, mektep oqýshylary, Qa¬zaq¬stan Res¬pýblıkasynyń mınıstr¬likteri men mekeme¬leriniń, elordalyq memle-kettik qurylymdardyń, kásiporyndardyń qyzmet¬kerleri, sonymen qatar, qala turǵyndary men qonaqtary qatysady.
Baǵdarlamaǵa erler, áıelder, uldar men qyzdar, balalar, zeınet¬kerler jáne múmkindigi shek¬teýli jandar arasyndaǵy jarystar engizilgen. Jeńimpaz atanǵan shańǵyshyǵa estelik syılyqtar men júldeler tabys¬talady.
«Burqasyn-2015» - ashyq aspan astyndaǵy otbasylyq jáne ujymdyq demalystyń úzdik túrleriniń biri. Atalǵan sport merekesi Astanadaǵy qysqy sport maýsymyn jabady. Dástúrge aınalǵan sporttyq-buqaralyq mereke bıyl 13 márte ótkizilmek.
