Astananyń bas josparyn talqylaýǵa ákim qatysýy tıis – elorda turǵyny
«Bizdiń ákim Astananyń bas josparyn talqylaýǵa qatysýǵa tıis edi. Bizge sizdiń esepterińiz qajet emes. Josparlar, eskızder, súriletin úılerdiń barlyǵyn kórip otyrmyz. Endi bizge sizderdiń is júzindegi áreketterińiz kerek. Qoıandy saıajaı alaby turǵyndarynyń atynan sóılep turmyn. Polıtsııa postyna deıin bul qalanyń aýmaǵy. Bekettiń ar jaǵy oblystyń aýmaǵy sanalady. Onda Aqmola oblysy, Tselınograd aýdany degen úlken bannerler ilinip tur. Kezektilik boıynsha odan ári Qoıandy aýyly júredi, ol aýmaqtyq tıistiligi boıynsha Aqmola oblysyna jatýy tıis. Nelikten oblys aýmaǵynan keıin qala aýmaǵy ornalasqan?»- dep surady Álııa Naımanqulova.
Ákimdik bul oryn tek turǵyndar jemis-jıdek egý úshin baratyn saıajaı aýmaǵy sanalatynyn aıtyp, jaýap berdi.
«Álııa Noıabrqyzy, ákimdik qabyrǵasynda biz sizdermen osy másele boıynsha birneshe ret kezdestik. Sizde saıajaı massıvi bar. Zań boıynsha bul jer jemis-jıdek otyrǵyzý úshin ýaqytsha bólingen», - dep tolyqtyrdy ákimdik.