Astananyń bas sýdıasy qalalyqtardy zańgerlik keńes alýǵa shaqyrady
ASTANA. 8 maýsym. QazAqparat - Búgin Astananyń qalalyq soty ashyq esik kúnin ótkizýde.
Shara aıasynda elordanyń turǵyndary men qonaqtaryna tegin zańgerlik keńes berilýde.
Qalalyq sot tóraǵasy Sáken Abdýllaevtiń atap ótýinshe, Femıda qyzmetshileri osy shara arqyly azamattardyń sot júıesine senim artý deńgeıin arttyrýdy jáne sottardyń ashyqtyǵy men qoljetimdiligin qamtamasyz etýdi kózdep otyr.
Bul rette ol ótken jyldyń sońynan beri elektrondy úkimet portaly arqyly Astana sotyna elektrondy talap-aryz berý qyzmeti qoljetimdi bolǵandyǵyn atap ótti. Al osy jyldyń mamyrynan bastap synaq tártibimen sot otyrystarynyń elektrondy hattamalarynyń jazbasy júrgiziledi. Ol úshin arnaı dybys jáne beıne jazba qural-jabdyqtary ornatylǵan.
Ashyq esik kúni búgin keshki saǵat 18:00-ge deıin jalǵasady.
