Astananyń bas polıtseıi jas ınspektorlardy respýblıkalyq baıqaýdaǵy jeńisimen quttyqtady
ASTANA. 12 qazan. QazAqparat - Búgin Astana qalasy Іshki ister departamentiniń bastyǵy, polıtsııa general-maıory Amantaı Áýbákirov elordadaǵy № 3 mektep-gımnazııada boldy.
Ondaǵy basty maqsat - Jol qozǵalysynyń jas ınspektory otrıadyn jeńisterimen quttyqtaý.
Eske sala ketsek, elordadaǵy atalǵan mektep-gımnazııanyń jas ınspektorlary Býrabaı qalasynda ótken Respýblıkalyq slette Jol qozǵalysy erejelerine qatysty saıysta birinshi oryndy ıelendi jáne erejeni saqtaýǵa qatysty úgit jumysyn kórsetýde belsendilik tanytqan bolatyn. Atalǵan baıqaýdyń jáne bir ereksheligi onda elimizdiń barlyq oblysynan kelgen jas ınspektorlarmen qatar, eń úzdik otrıad tıtýlyn ıelenýge Reseıden kelgen komandalar da baq synasty.
Sondyqtan da, ІІD bastyǵy Amantaı Áýbákirov jeńimpaz atanǵan jas ınspektorlar otrıadynyń árbir múshesine maqtaý qaǵazdary men estelik syılyqtardy tabys etti.
