«Astananyń» bas menedjeri «Qaırattan» nelikten jeńile beretindikterin aıtty
ASTANA. QazAqparat - «Astana» fýtbol klýbynyń bas menedjeri Saıan Hamıtjanov fýtboldan Qazaqstan chempıonaty aıasyndaǵy matchta «astanalyqtardyń» «Qaırattan» jeńilýine qatysty pikir bildirdi, dep habarlaıdy QazAqparat.
Qazaqstan Premer-lıgasynyń 32-týryndaǵy ortalyq kezdesýde elordalyq ujym 0:2 esebimen jeńilip,chempıondyqqa talas qyza túskenin habarlaǵan edik. Oıynnan soń jýrnalısterge suhbat bergen «Astana» klýbynyń jetekshisi «Qaıratty» laıyqty jeńisimen quttyqtap, kelesi aptada qatarlasyp kelgen ÝEFA Eýropa lıgasy toptyq kezeńindegi «Makkabıge» qarsy oıynda jáne el birinshiligindegi «Aqjaıyqqa» qarsy matchta «Astana» bar kúshin salatynyn aıtty.
«Qorǵanysta jekelegen kemshilikter jibergenimiz úshin bizdi jazalaǵan «Qaırattyń» bul jeńisi chempıonattaǵy básekeni barynshy qyzdyra tústi. «Qaırat» biz úshin asa qıyn qarsylasqa aınaldy deýge bolady. Olardyń bapkeri kim bolýynan tys, qandaı qurammen oınaýynan tys bizdi jeńip jatyr. «Oqjetpes» nemese «Atyraýǵa» qaraǵanda «Qaırat» bizge qarsy sátti oınaıdy. Menińshe, biz «Qaıratqa» únemi taktıka jaǵynan jeńilemiz. Negizgi másele de osynda», - dep keltiredi Saıan Hamıtjanovtyń sózderin «Astana» FK baspasóz qyzmeti.
Saıan Hamıtjanov oıynda jaraqat alyp, stadıonnan týra aýrýhanaǵa jetkizilgen ıÝrıı Logvınenkonyń jaǵdaıy týraly aıtty. «Jaraqaty aıtarlyqtaı aýyr, ol Izraılde komandaǵa kómektese almaıtyn shyǵar. ıÝrıı - komandamyzdyń beldi oıynshysy, biz mańyzdy oıyn aldynan úlken qıyndyqqa tap boldyq», - dedi ol.
Eske sala keteıik, 2 qarasha kúni saǵat 21:00-de (Astana ýaqytymen 00:00-de) «Astana» Izraıl astanasy Tel-Avıv qalasynda jergilikti «Makkabıge» qarsy oınaıdy.
