«Astananyń» bapkerler shtabynda birqatar ózgerister boldy
ASTANA. QazAqparat - Qańtar aıynyń basynda elordanyń fýtbol klýbynda birqatar ózgerister boldy, dep habarlaıdy Sports.kz.
Komandanyń bas jattyqtyrýshysynyń kómekshisi qyzmetin atqarǵan Aleksandr Moskalenko klýbtan ketip qaldy. 42 jastaǵy mamannyń jattyqtyrýshylyq mansabyn qaıda jalǵastyratyny ázirge belgisiz.
Moskalenko «Astananyń» jattyqtyrýshylar klýbyna ótken jyldyń naýryz aıynda kirgen. Buǵan deıin ol «Býlat-AMT», «Qaısar» jáne «Ekibastuz» klýbtarynda jumys istegen. Bapker retinde Qazaqstannyń birinshi lıgasyn (2016 jyl) jáne sol jarystyń qola júldesin jeńgen (2015). Sondaı-aq Moskalenko birinshi lıganyń (2015) úzdik bapkeri retinde tanyldy.
Eske sala keteıik, 2018 jylǵy maýsymda «Astana» komandasy besinshi ret Qazaqstan chempıony atanǵan.
