Astananyń balalar aýrýhanasy jańa zamanaýı tehnıkamen tolyqty
Kompanııanyń málimetinshe, Babylog VN500 markaly bul apparattar tynys joldarynda týa bitti aqaýy bar nárestelerdiń ómirin saqtap qalýda kóp kómektesedi. Ol Germanııanyń Drager Medical GmbH kompanııasynan satyp alynyp otyr. Bul medıtsınalyq tehnıkanyń jalpy quny 15 mln. teńgege jýyq.
«Bizdiń aýrýhanamyzǵa mundaı zamanaýı apparattyń qoıylýy óte mańyzdy oqıǵa. Óıtkeni bul densaýlyǵynda aqaýy bar balalar men nárestelerdi jasandy jolmen dem alǵyzyp, ómirin saqtap qalýǵa taptyrmaıtyn qurylǵy. Babylog VN500 apparaty eń sońǵy úlgilermen jasalǵan zamanaýı tehnıka bolǵandyqtan, onyń artyqshylyqtary da mol», - dep atap ótti atalǵan aýrýhananyń neonotaldy jansaqtaý bóliminiń meńgerýshisi Elena Baıkalova.
Aıta keteıik, «QazMedTeh» memlekettik lızıngtik kompanııasy «Salamatty Qazaqstan» baǵdarlamasy aıasynda elimizdegi aýrýhanalardy zamanaýı sheteldik apparattarmen qamtamasyz etip otyrǵan mekeme. Búginde kompanııa Qazaqstannyń túkpir-túkpirine 281 medıtsınalyq tehnıkalardy jetkizgen.
