Astananyń azyq-túlik beldeýi aıasynda 42 joba iske asyryldy

ASTANA. 17 jeltoqsan. QazAqparat - Qazaqstanda Astananyń azyq-túlik beldeýin qurý aıasynda 42 joba iske asyryldy, dep habarlandy «QazAgro» Ulttyq basqarýshy holdıngi» AQ-nyń baspasóz qyzmetinen.

«QazAgro» holdıngi qarjylandyrǵan Astananyń azyq-túlik beldeýi jobalarynyń ishinde 42 nysan paıdalanýǵa berildi jáne astanalyq naryqqa ónimdi jetkizedi», - delingen holdıngtiń habarlamasynda.

QR Premer-Mınıstriniń baspasóz qyzmetinen habarlaǵandaı, azyq-túlik beldeýin qurý aıasynda 59 joba maquldanyp, iske asyrylýda, olardyń jalpy quny 30,7 mlrd. teńgeni quraıdy.

Bul jobalar Memleket basshysynyń tapsyrmasyna sáıkes iske asyrylýda, oǵan Aqmola oblysynyń 17 jáne Qaraǵandy oblysynyń 4 aýdany kiredi.