Astananyń ajaryn qazaqtyń uly tulǵalary beınelengen bılbordtar aıshyqtaıdy
ASTANA. QazAqparat - Astana qalasynyń kóshelerine qazaqtyń dańqty tulǵalary beınelengen iri bılbordtar ornatyldy, dep habarlaıdy QazAqparat.
Bul týraly qalalyq Saryarqa aýdany ákimdiginiń Feısbýktegi paraqshasynda jarııalandy.
Qazaq eliniń dańqty qolbasshysy Bógenbaı batyrdyń sýreti men qysqasha málimeti kórsetilgen bılbord «Shapaǵat» bazarynyń janynda, batyrdyń esimi berilgen kóshede paıda boldy. Abaı jáne Jeltoqsan kósheleriniń qıylysynda uly aqyn, jazýshy Abaı Qunanbaev týraly bılbord ornatylsa, al kórnekti qoǵam qaıratkeri, jazýshy Sáken Seıfýllınniń málimetteri Saryarqa dańǵyly men Seıfýllın kóshesi qıylysyndaǵy bılbordta kórsetilgen. Dańqty ushqysh Talǵat Bıgeldınovqa arnalǵan bılbord ushqyshtyń esimi berilgen kósheniń Saryarqa dańǵylyna qaraı bóliginde ornatylǵan.
