Astananyń aýyl sharýashylyǵy jerleri 2014 jyly túgendeledi
ASTANA 14 mamyr. QazAqparat - Elordanyń aýyl sharýashylyǵyna arnalǵan jerlerin túgendeý jumystary 2014 jyly júrgiziledi. Bul týraly búgin «Jer resýrstaryn tıimdi basqarýdyń negizi máseleleri» taqyrybynda ótken semınar-keńes barysynda QR Jer
resýrstaryn basqarý agenttiginiń tóraǵasy Qadyrhan Otarov málim etti.
«Astana qalasy boıynsha aýyl sharýashylyǵy maqsatyndaǵy jerlerge túgendeý júrgizý 2014 jylǵa belgilengen. Degenmen bul taqyryp Astana qalasy úshin barynsha ózekti emes. Biraq ta bul baǵytta belgili bir jumys kólemi bar jáne olar 18 myń gektar alqapta júrgiziledi», - dedi ol.
Onyń atap ótýinshe, túgendeý júrgizýdiń maqsaty alqaptardyń is júzindegi kólemine sáıkestigin naqtylaý, olardyń jaı-kúıin zerdeleý jáne jerdi tıimdi paıdalaný baǵytynda usynystar ázirleý bolyp tabylady.
«Túgendeýdiń qorytyndy qujaty paıdalanylmaıtyn nemese zań buzylýshylyqpen paıdalanylatyn jer ýchaskelerin májbúrlep alýǵa baǵyttalǵan sot protsesine negiz bola alady», - dedi Q.Otarov.
