Astananyń áýejaıyna jarylǵysh zat qoıylǵandyǵy týraly jalǵan habar bergen azamat 3 jylǵa sottaldy
ASTANA. 29 qazan. QazAqparat - Astana qalasy Esil aýdanynyń №2 soty lańkestik akti týraly jalǵan habar bergen er adamdy úsh jylǵa bas bostandyǵynan aıyrdy.
Bul týraly Astana qalalyq sotynyń baspasóz qyzmetinen málim etti.
Sottalýshy D.A.Anarbaı alkogoldi mas kúıinde tanys úsh boıjetkenmen birge meıramhanalardyń biriniń VIP zalynda otyryp, buzaqylyq pıǵylda qasaqana Astana qalasynyń halyqaralyq áýejaıyna uıaly telefonynan qońyraý shalyp, daıyndalyp jatqan lańkestik akti týraly kórineý jalǵan habar berdi.
Naqtylap aıtqanda, 2012 jyldyń 9 sáýiri kúni tańerteńgi reıspen Almaty qalasy baǵyty boıynsha beline «shahıd beldemshesin» taǵynǵan «Petrova ıÝlıa» esimdi qyz ushyp shyǵatyndyǵyn aıtty. «Shahıd beldemshesi» psıho-fılologııalyq sot saraptamasynyń qorytyndysy boıynsha «qoldan jasalǵan jarylǵysh zat» retinde qarastyrylady. Іzdestirý is-sharalarynyń nátıjesinde jarylǵysh zat jáne ózge de qaýipti zattar tabylmady.
2012 jyldyń 25 qazanynda shyqqan sottyń úkimimen D.A.Anarbaı QR QK-niń 242-shi babynda qarastyrylǵan qylmysty jasaýda aıypty dep tanyldy. Ol jazasyn jalpy rejimdegi túzeý kolonııasynda óteýmen úsh jylǵa bas bostandyǵynan aıyryldy.
Úkim zańdy kúshine engen joq.
