Astananyń aýasyn lastap kelgen qazandyqtyń jumysy toqtatyldy
ASTANA. QazAqparat - Ekonomıkalyq sot astananyń aýasyn lastaıtyn hımııalyq jolmen tazartý kazandyǵynyń jumysyn toqtatty, dep habarlady Astana qalalyq sotynyń baspasóz qyzmeti.
Baspasóz málimetterine qaraǵanda, 2014 jyly «As-Aı» JShS Astananyń ónerkásip alańy úshin qorshaǵan ortaǵa emıssııanyń ruqsatyn alǵan.
Elorda turǵyndaryna kir jýý qyzmetin kórsetetin «As-Aı» JShS-nyń ǵımaratynda jeke qazandyǵy bar. Ol qazandyq qatty otynmen jylytylady.
«As-Aı» JShS-niń QR qyzmetin júzege asyrýǵa berilgen sheshimniń qoldanysta bolý merzimine qorshaǵan orta úshin emıssııanyń ruqsatyn berýge ekologııalyq talaptar men normalar qabyldandy jáne osy talaptar men normalardy oryndaýdy qamtamasyz etetin tabıǵat paıdalaný sharttary engizilgen.
Alaıda, «As-Aı» JShS-inde Astana qalasy boıynsha Ekologııa departamenti tekserý júrgizip, ol jerden aýany lastaıtyn zattardyń normadan joǵary ekendigin anyqtady.
Іs materıalyn zerdeleı otyryp, Astana qalasynyń mamandandyrylǵan aýdanaralyq ekonomıkalyq soty Ekologııalyq kodeks normalary qalpyna keltirilgenge deıin «As-Aı» JShS-ine tıesili qazandyq qyzmetin toqtatty.
