Astananyń ataýyn ózgertý týraly másele Parlamentte qaralady
ASTANA. QazAqparat - QR Parlamenti palatalarynyń birlesken otyrysynda Qazaqstan elordasyna QR Tuńǵysh Prezıdenti - Elbasynyń esimin berý taqyryby talqylanyp jatyr, dep habarlaıdy QazAqparat tilshisi.
«QR Konstıtýtsııasyna sáıkes, Úkimet Ata Zańymyzǵa Astananyń ataýyn ózgertý týraly túzetý engizý úshin Respýblıkalyq referendým ótkizý jóninde QR Prezıdentine usynys jasady. Prezıdent bul usynysty referendýmǵa shyǵarmaı, Parlamenttiń qaraýyna jiberý týraly sheshim qabyldady. Bul másele boıynsha Konstıtýtsııalyq Keńes óziniń oń qorytyndysyn da berdi», - dedi Parlament Májilisiniń tóraǵasy Nurlan Nyǵmatýlın.
Budan buryn habarlanǵandaı, Prezıdent mindetin ýaqytsha atqarýǵa kirisken Qasym-Jomart Toqaev Astana qalasynyń ataýyn Nursultan dep ózgertý týraly usynys jasady.
