Astananyń arý qyzy Qazaqstandy Malaızııadaǵy Halyqaralyq sán baıqaýynda tanystyrady
ASTANA. 10 jeltoqsan. QazAqparat - Elordalyq Anastasııa Aımýrzaeva Malaızııada (Kýala-Lýmpýr) ótetin «Miss Tourism International 2013» sán baıqaýyna qatysady, dep habarlady «OK-models» sán agenttiginen.
Atalmysh baıqaý 1994 jyldan beri ótkizilip keledi jáne álemniń eń bedeldi sán baıqaýynyń bestigine kiredi. Bıyl álemniń túkpir-túkpirinen 72 qyz irikteldi. 3 aptanyń ishinde olar ártúrli áleýmettik jobalarǵa, prezentatsııalarǵa, kórsetilimderge, túsirilimderge qatysady.
Jyl saıyn baıqaýdyń fınaly týra Jańa jyl túni ótkiziledi. Naq sol túni jeńimpazdar anyqtalady.
