Astananyń Arqaǵa kóshýi týraly tuńǵysh dramanyń tusaýy kesildi
Qoıylymda astanany Alataý bókterinen Arqa tósine kóshirýde Elbasynyń qandaı tabandylyq tanytqany beınelenedi. Áý basta Prezıdent usynysy kópshilikten qoldaý tappaǵan. Onyń júzege asýyna Nursultan Nazarbaevtyń qaısarlyǵy men kóregendigi tikeleı sebep bolǵany barshaǵa aıan. Qoıylym Astananyń 20 jyldyq mereıtoıyna arnalǵan. Onyń stsenarııi Nursultan Nazarbaevtyń «Qazaqstan joly» kitabynyń negizinde jazylypty.
Aıta keteıik, Elbasynyń kemeńgerlik kelbeti qazaq teatrynyń sahnasynda tuńǵysh ret somdaldy.
«Astanany Almatydan Astanaǵa kóshirý qıyn bolǵan. Qarsylyq kóp bolǵan. Barlyǵy senbegen dep aıtqan. Biraq biz ózimiz bilmeımiz ǵoı qalaı bolǵanyn. Sony biz qarap 1994 jyldyń 6 maýsymy men 6 shildesi aralyǵyn aldyq. Sonda bolǵan oqıǵaǵa depýtattar qarsy shyqqan. Sol qarsylyqtardyń barlyǵyn osy spektaklde kórsetemiz. Basty rólde - bir adam. Ol - prezıdenttiń róli. Qalǵandarynyń famılııasy joq. Solaı jasaǵanbyz. Qalǵandary jazýshy, aktrısa, stýdent, depýtat - osylaı júredi»,- Q.Qojamııarov atyndaǵy Memlekettik akademııalyq uıǵyr mýzykalyq komedııa teatrynyń kórkemdik jetekshisi Murat Ahmadıev.
