Astananyń ár aýdanynda halal ónimder satatyn dúkender ashylady
ASTANA. QazAqparat - Elordada halal ónimder satatyn oryndar ashý jáne osy ónimderdiń naryqtaǵy assortımenti máselesi talqylandy. Bul týraly astana.kz saıtyna «Dýslyk» tatar bilim berý ortalyǵynan habarlady.
Sharaǵa Qazaqstan halqy Assambleıasynyń, QR Indýstrııa jáne jańa tehnologııalar mınıstrliginiń, QR Aýyl sharýashylyǵy mınıstrliginiń ókilderi, QR «Halal ındýstrııasy qaýymdastyǵy» ZTB sarapshylary, etnomádenı birlestikterdiń jáne ÚEU basshylary, elordalyq kásipkerler men din ókilderi qatysty.
«Astana halal aýmaǵy» dóńgelek ústeliniń qorytyndysy boıynsha álemdik tájirıbeni zerttep, «Halal óniminiń markırovkasy týraly» QR zańyn ázirleý, Qazaqstanda halal ındýstrııasyn damytý agenttigin qurý usynyldy. Sonymen qatar, halal ónimderdi tutynýdyń mańyzdylyǵy men maqsattylyǵy týraly halyq arasynda túsindirý jumystaryn júrgizý, al qalalyq kásipkerlermen halal ónimderdi óndirý máselesin talqylaý josparlanǵan. Kezdesý aıasynda Astananyń ár aýdanynda basqa taýarlarǵa qoılatyn talaptardy saqtaı otyryp, halal ónimderin saýdalaıtyn jeke oryndardy ashý qajettiligi aıtyldy.
Sharaǵa qatysýshylardyń pikirinshe, bul taqyryp EKSPO-2017 halyqaralyq kórmesin ótkizý qarsańynda asa ózekti. Kórmege daıyndyq júrgizý kezinde oǵan kóp kóńil bólý kerek. Óıtkeni shara aıasynda Astanaǵa barsha álemnen adamdar kóptep keletin bolady.
