Astananyń álem astanasy bolǵanyn qalaımyn - elorda turǵyny
ASTANA. QazAqparat - Astana qalasynyń jas turǵyny Aqerke Toqtarova barlyq otandastaryn alda kele jatqan elorda kúnimen quttyqtady.
«Men Astananyń álem astanasy bolǵanyn qalaımyn, óıtkeni ol sondaı dárejege laıyq qala. Bul jerdiń aýasy káýsardaı taza, jastarǵa barlyq jaǵdaı jasalǵan. Ǵımarattary týraly aıtýdyń da qajeti shamaly, olardy kez kelgen adam óz kózimen kórýi tıis», - deıdi ol. Astana elimizdiń betke ustar brendi deı kele elordanyń jas turǵyny: «Biz, jastar, Memleket basshysynyń syndarly saıasatyn barynsha qoldaımyz. Men elimizdi maqtan tutamyn, elordamyzdy maqtan etemin. Óıtkeni mundaı astana basqa eshbir elde joq. Sondyqtan Astananyń budan da kórkeıip, álemdegi eń ádemi qala bolǵanyn tileımin», - dep túıindedi sózin.
