Astananyń aqyly turaqtarynda negizsiz tólem alynǵan
ASTANA. QazAqparat – Astananyń aqyly turaqtarynda negizsiz tólem alynǵan. Bul týraly QR Sybaılas jemqorlyqqa qarsy is-qımyl agenttigi Preventsııa qyzmetiniń basshysy Saıan Ahmetjanov málim etti, dep habarlaıdy QazAqparat tilshisi.
«Árbir óńirdegi qyzmetimizdiń mańyzdy baǵyty – bul aqyly avtomobıl turaqtary. Bıyl óńirlerde, onyń ishinde «Astana turaq keńistigi» JShS-ne monıtorıng jasadyq. Azamattyq qoǵam men Astana qalasynyń atqarýshy organdarymen birge júrgizilgen monıtorıng nátıjesinde qoldanystaǵy zańnamaǵa saı kelmeıtin jáne azamattardyń shekteýsiz tobynyń quqyǵyn buzatyn sátter anyqtaldy. Tólem negizsi alynǵan jáne der ýaqytynda turaq aqysyn tólemegen azamattar ákimshilik jaýapkershilikke tartylǵan», - dedi Saıan Ahmetjanov Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, agenttiktiń usynysy negizinde jáne QR Aýyl sharýashylyǵy mınıstrligi Jer resýrstaryn basqarý komıtetiniń qoldaýymen turaqqa tólem jasamaǵany úshin ákimshilik jaýapkershilikti alyp tastaý máselesi qarastyrylyp jatyr.
