Astananyń aqyly turaqtaryna kólikti qaı ýaqytta tegin qoıýǵa bolady
ASTANA. QazAqparat - Elordanyń 2 aımaǵyndaǵy shamamen 9000 myń kólik turaǵy keshkisin, demalys jáne mereke kúnderi tegin bolady. Bul jaıynda QazAqparattyń resmı saýalyna jaýap bergen «Astana LRT» JShS-inen málim etti.
«2017 jyldyń sońyna deıin Astanada shamamen 9 myń aqyly kólik turaǵyn jasaý josparlanyp otyr. Olar mynadaı eki aımaqta ornalasatyn bolady: №1 aımaq - Turan-Saraıshyq-Máńgilik el - Syǵanaq kósheleriniń qıylysy; №2 aımaq - Saryarqa - Bógenbaı batyr-Respýblıka-Naberejnyı kósheleriniń qıylysy», - delingen habarlamada.
Kompanııa málimetinde kólikti aqyly turaqqa 1 saǵatqa qoıý quny 100 teńgeni quraıtyndyǵy aıtylǵan. Turaq úshin aqy jumys kúnderinde saǵat 8-00-den 20-00-ge deıin alynady. Tólemdi kólikti turaqqa qoıǵannan keıin 30 mınýttyń ishinde jasaý qajet.
«Aqyly turaq júıesi keptelis bolatyn kezeńde jumys isteıdi. 20-00-den keıin jáne demalys pen mereke kúnderi turaq tegin bolady», - dep atap ótedi «Astana LRT» kompanııasy.
Aqyly kólik turaqtaryn qurýdaǵy basty maqsat mynadaı: jol boıynda uzaq merzimge qaldyrylatyn avtomobılderdiń sanyn qysqartý arqyly kóshe joldaryndaǵy júktemeni 30 paıyzǵa deıin tómendetý; turaq keńistigi júktemesin 40-50 paıyzǵa azaıtý; qoǵamdyq kólikterge suranysty 15-20 paıyzǵa arttyrý; jol qozǵalysy erejesiniń buzylýyn 70-80 paıyzǵa kemitý; jaıaý júrginshilerdiń, qoǵamdyq kólikter men avtomobılderdiń erkin qozǵalysyna múmkinshilik jasaý.
