Astananyń Ádilet departamenti turǵyndarǵa quqyqtyq keńes berýde
ASTANA. 5 mamyr. QazAqparat - Astana qalasynyń Ádilet departamenti 3-5 mamyr aralyǵynda quqyqtyq keńes berý maqsatynda turǵyndarmen kezdesýler ótkizýde.
Aktsııanyń maqsaty - elorda turǵyndaryna quqyqtyq kómek kórsetý.
Atap aıtqanda, osy shara aıasynda arnaıy qurylǵan toptyń quramynda departamenttiń qurylymdyq bólimsheleriniń qyzmetkerleri, qalanyń zańgerleri, sot oryndaýshylary, notarıýstar men qorǵaýshylar, ákimdiktiń quqyq salasyndaǵy bilikti mamandary bar. Bul sharanyń birinshi kúninde túzetý mekemelerinde, oqý oryndarynda, ekinshi kúni Ilınka jáne Prıgorodnyı eldi mekenderinde turǵyndarymen kezdesýler ótip, tıisti quqyqtyq keńester berildi. Al aktsııanyń sońǵy kúni «ashyq esik kúnimen» aıaqtalady. Osy oraıda búgin Ádilet departamentinde barsha azamattar men zańdy tulǵalarǵa quqyqtyq máseleler boıynsha keńestar beriledi.
