Astananyń Abaı dańǵylyndaǵy órtte 2 adam zardap shekti
ASTANA. QazAqparat - TJ departamenti elordanyń Abaı dańǵylynda bolǵan iri órttiń jaı-japsaryn habarlady.
«2015 jyly 25 qarashada saǵat 12.31 Abaı kóshesiniń boıyndaǵy oqý kombınaty men jataqhanada órt shyqty degen habar kelip tústi.Órt shyqqan jerge jetken kezekshiler qaraýyly ǵımarattaǵy eki qabatty jataqhananyń shatyry otqa oranyp jatqanyn anyqtady. 2-nómirli shaqyrý sanaty jarııalandy. Jalynnyń saldarynan jataqhananyń 2 turǵyny: 1991 jylǵy áıel (aýyrlyǵy 2-shi dárejeli kúıik) jáne 1979 jylǵy er adam (tútin ıisinen ýlaný) zardap shekti», - delingen habarlamada.
Qazir Astana qalalyq TJD órt sóndirý-qutqarý qurylymdary tseh aýmaǵynda shyqqan tilsiz jaýmen kúresip jatyr. Jalyn sharpyǵan aýmaq anyqtalýda.
