Astananyń 4 turǵyny jalǵan kvıtantsııa jasap, zańsyz jolmen aqsha tapqan
ASTANA. QazAqparat - Astanada qoldan kvıtantsııa jasap satqan qylmystyq toptyń qyzmetine tusaý salyndy. Bul týraly búgin baspasóz máslıhaty kezinde Astana qalalyq memlekettik kirister departamentiniń jetekshisi Ábilqaıyr Ysqaqov málim etti.
«Qazaqstan Respýblıkasynyń 4 azamaty, Astana qalasynyń turǵyndary arnaıy jospar quryp, zańsyz jolmen paıda tabý úshin ákimshilik aıyppul tóleý týraly 331 kvıtantsııany qoldan jasaǵan. Osy qylmys memleketke 10 mln. teńgeden astam shyǵyn ákelgen. ıAǵnı, olar aıyppuldary bar adamdardy izdep, aıyppuldy tóleý úshin 50 paıyzdyq jeńildik usynǵan. ıAǵnı, alaıaqtyqpen de aınalysqan»,-dep túsindirdi ol.
Onyń aıtýynsha, qazir osyndaı 300 faktten turatyn is sotqa jiberilgen jáne alaıaqtar azamattardyń shyǵynyn tolyq ótep bergen. Alaıaqtyqpen aqshaǵa kenelemiz degenderdiń úkimin endi sot shyǵarady.
