Astananyń 25 jyldyǵy qurmetine 100 teńgelik moneta shyǵaryldy
ASTANA. QazAqparat - Qazaqstan Ulttyq banki 1 shildede elordanyń mereıtoıyna oraı «Este qalatyn oqıǵalar men birtýar adamdar» serııasynan «ASTANA. 25 JYL» kollektsııalyq monetalaryn aınalymǵa shyǵarady, dep habarlaıdy QazAqparat.
Ulttyq bank málimetine sáıkes, shaqalar 3 shildeden bastapUB-nyń ınternet-dúkeni arqyly satylady.
«ASTANA. 25 JYL» monetalary MN 25 melhıor qospasynan daıyndalǵan. Massasy – 15 gramm, dıametri – 33 mm, daıyndaý sapasy – brilliant uncirculated, nomınaly – 100 teńgelik, taralymy – 20 000 dana.
Kollektsııalyq monetalar Qazaqstan Respýblıkasynyń búkil aýmaǵynda óziniń belgilengen qunymen tólemniń barlyq túri boıynsha qabyldanýǵa, sondaı-aq eldiń barlyq bankinde bank shottaryna esepke alynýǵa, aýdarylýǵa, usaqtalýǵa jáne aıyrbastalýǵa jatady.
Kollektsııalyq monetalar Qazaqstan teńge saraıynda daıyndaldy.
