Astananyń 2022 jylǵa arnalǵan bıýdjeti naqtylandy
«Taldaýqorytyndylaryn negizge ala otyryp, qalanyń tabys josparyn 22,5 mlrd teńgege ulǵaıtý arqyly 579,2 mlrd teńgege jetkizý usynylady. Onyń ishinde salyqtyq túsimder boıynsha – 24 mlrd teńge, salyqtyq emes túsimder boıynsha – 3,2 mlrd teńge, negizgi kapıtaldy satýdan túsken túsimder boıynsha-jospardy 830 mln teńgege ulǵaıtý kózdeledi. Bıýdjettik kredıtterdi óteý boıynsha ótimdi múlikti kommýnaldyq menshikke berý jáne «Teplotranzıt» AQ tarapynan kredıtterdi ótemeý esebinen «Elorda qurylys kompanııasy» JShS tarapynan kredıtterdi ishinara óteýdi eskere otyryp, jospar 5,5 mlrd teńgege azaıtylsyn», - dedi Qaısar Manqaraev máslıhat otyrysynda.
Aıtýynsha, qarajatty qaıta bólý esebinen mynadaı is-sharalar qosymsha qoldaý tapqan:
Bilim basqarmasyna Kúltegin kóshesi 17/1 mekenjaıyndaǵy balabaqsha ǵımaratyn satyp alý úshin 200 mln teńge somasynda, Dene shynyqtyrý jáne sport basqarmasyna kórkem gımnastıka jáne mánerlep syrǵanaý sharalaryn ótkizýge 30 mln teńge, Aktıvter men memlekettik satyp alý basqarmasyna áskerı komıtet ǵımaratyn satyp alý jobasyn qarjylandyrý kólemi 520 mln teńgege deıin ulǵaıtylmaq.
«Sondaı-aq, Qurylys basqarmasyna «Ramada Plaza» ǵımaratyn jobalaý men qaıta jańartýdy bastaý úshin statsıonarǵa 100 myń teńge kóleminde qarajat qarastyrylǵan. Kólik jáne kólik ınfraqurylymyn damytý basqarmasyna tasymaldaýshynyń shyǵystaryn sýbsıdııalaýǵa qosymsha 200 mln teńge bólip, jalpy somasyn 4,2 mlrd teńge jetkizý qarastyrylǵan.
Osylaısha, engiziletin ózgeristerdi eskere otyryp, Astananyń 2022 jylǵa arnalǵan naqtylanǵan bıýdjetiniń jalpy kólemi 911,19 mlrd teńgeni quraıdy. Onyń ishinde óz tabysy boıynsha túsimder 579,2 mlrd teńgeni, respýblıkalyq bıýdjet pen transfertter túsimi 236,5 mlrd teńge, sondaı-aq qaryzdar túsimderi 32,1 mlrd teńge bolyp belgilendi», - dedi basqarma basshysy.
