Astananyń 20 mektebi «Salaýatty tamaqtaný mektebi» baǵdarlamasyna qosyldy
ASTANA. QazAqparat - Astana qalalyq bilim basqarmasy men "Nestle Fýd Qazaqstan" kompanııasy bastaýysh synyp oqýshylaryna arnalǵan "Salaýatty tamaqtaný mektebi" atty əleýmettik jobany iske qosty. Bul týraly búgin arnaıy baspasóz məslıhatynda "Nestle Fýd Qazaqstan" kompanııasynyń bas dırektory Mark Potast məlim etti.
Al, osy joba aıasynda daıyndalǵan arnaıy ədistemelik qural men jumys dəpteriniń birinshi avtory Órik Imanǵojaevanyń aıtýynsha, baǵdarlama synyptan tys sabaq retinde oqytylady. "Nestle Fýd Qazaqstan" kompanııasy baǵdarlamany qýana qoldady, sebebi kompanııanyń basty maqsattarynyń biri balalar úshin paıdaly tamaq shyǵarýmen qatar, olardyń durys tamaqtanýyna yqpal etý. Kompanııanyń bul baǵdarlamasy 2014 jyldan beri Almatynyń 20 mektebinde sətti júzege asyrylyp keledi. Endi, elordanyń bilim basqarmasy qoldap, Astanada 20 mektep osy baǵdarlamaǵa qosylyp otyr. ıAǵnı, 2015-2016 jyldary Almaty men Astanany qosa eseptegende, 40 mektep, 8000 oqýshy osy baǵdarlama aıasynda durys tamaqtaný prıntsıpterin oqyp-úırenýde"', - deıdi M.Potast. Arnaıy baǵdarlamany əzirleýge túrtki bolǵan məsele - mektep oqýshylarynyń durys tamaqtanbaı, túrli aýrýlarǵa shaldyǵýy. Mysaly, ədistemelik quraldyń avtorlary atap ótkendeı, Dúnıejúzilik densaýlyq saqtaý uıymy adam densaýlyǵynda, əsirese, balalardyń densaýlyǵynda paıda bolatyn túrli aýrýlardyń 80%-y durys tamaqtanbaýdyń saldary ekenin jarııalaǵan. Balalar arasynda zııandy tamaqtanýdan bolatyn aýrýlardyń túr-túri Qazaqstanda da jıi kezdese bastaǵan soń, zertteýshiler men mamandar mektepter úshin osy jobany əzirlegen.
