Astananyń 15 jyldyq mereıtoıyna Patrısııa Kaas, Tarkan, Fılıpp Kırkorov jáne taǵy basqalary keledi
ASTANA. 20 mamyr. QazAqparat - Astananyń 15 jyldyq mereıtoıyna oraı elordaǵy Túrkııa, Reseı, Frantsııa jáne Ulybrıtanııa sııaqty elderdiń úzdik ártisteri shaqyrylady.
Bul týraly elordanyń 15 jyldyǵyna daıyndyq jáne ony ótkizý boıynsha uıymdastyrý komıteti shtaby basshysynyń orynbasary Talǵat Kolbachaev Rrimeminister.kz saıtyna bergen suhbatynda.
«Qazaqstan elordasy úshin bul aıtýly mereıtoı ekenin, sonymen qatar oqıǵanyń halyqaralyq mańyzdylyǵyn eskere otyryp, toılaýǵa qatysýshy elderdiń geografııasy bıyl aıtarlyqtaı keńeıtiledi. Onda Túrkııa, Reseı, Frantsııa jáne Ulybrıtanııa sııaqty elimiz úshin asa mańyzdy memleketter arnaıy baǵdarlamalar usynady», - dedi T.Kolbachaev.
«Ataqty ári elge tanymal kompozıtsııalarymen óziniń ystyq lebizin álemdik estrada juldyzy Patrısııa Kaas bildiredi. Igor Krýtoıdyń qaıtalanbas mýzykasy men túrik jáne álem juldyzy Tarkannyń ánderi Astananyń turǵyndary men qonaqtaryn beıjaı qaldyrmaıdy», - dep bólisti ol.
Atap aıtqanda, 4 shilde kúni Reseı estrada juldyzdarynyń «Astanaǵa syılyq» atty ǵalamat gala-kontserti ótedi.
Astana kúnin toılaý aıasynda Nıkolaı Ýstıýjanınniń basqarýyndaǵy orkestrdiń súıemeldeýimen Igor Krýtoıdyń shyǵarmashylyq keshi ótedi. Kontserttiń qatysýshylary Reseı estradasynyń ártisteri - Valerııa, Aleksandr Serov, Laıma Vaıkýle, Nıkolaı Baskov, Fılıpp Kırkorov, Valerıı Leontev, Irına Allegrova.
Budan ózge, 5 shilde kúni Astanada túrik ánshisi Tarkan óner kórsetedi.
Sonymen qatar, 6 shildede Astananyń 15 jyldyǵy kúni qazaqstandyq jáne sheteldiń estrada juldyzdarynyń «Asqaqtaı ber, Astana!» atty kontserti ótedi, ol Astana kúniniń aıasynda besinshi jyl qatarynan ótkizilip otyr.
7 shildede álemdik estrada juldyzy, «WorldMusicAwards» marapatynyń ıegeri frantsýz ánshisi Patrısııa Kaastyń jeke kontserti ótedi dep kútilýde. Aıta ketý kerek, kontsert Qala kúnin toılaý aıasynda ótedi jáne osylaısha Qazaqstandaǵy Frantsııa jylyn belgileýge múmkindik beredi.
Uıymdastyrýshylardyń aıtýynsha atalǵan is-sharalar kestesinde ózgerister bolýy múmkin.
