Astananyń 15 jyldyǵyna oraı «qala ishindegi qala» qurylady
ASTANA. 7 maýsym. QazAqparat - 6 jáne 7 shilde kúnderi elordanyń 15 jyldyq dúbirli toıyn atap ótý barysynda «Qazaq eli» monýmenti aldyndaǵy alańda «Shýaqty qala» merekelik baǵdarlamasy ótedi.
Bul týraly Astana qalasynyń 15 jyldyq mereıtoıyna daıyndyq komıteti shtabynyń medıa ortalyǵynan habarlady.
Eki kún boıy qala turǵyndary men qonaqtary biregeı «qala ishindegi qalaǵa» bas suǵyp, merekelik jármeńke, oıyn-saýyq attraktsıondary, meıramhanalar, zamanaýı óner kórmeleri, sondaı-aq kúndizgi jáne keshki kontserttik baǵdarlamany tamashalaıtyn bolady. Ashyq aspan astyndaǵy sahnada klassıkalyq, djaz jáne estrada janryndaǵy tanymal ártister án men jyrdan shashý shashpaq. Sonymen qatar, osy keshte úrmeli jáne halyq aspaptary orkestrleri de óz ónerlerin jınalǵan jamaǵattyń nazaryna usynady. Mereke qonaqtary dástúrli túrik mýzykasy men djaz janry týyndylarynan sýsyndaıtyn bolady.
Keshki baǵdarlama qazaqstandyq ánshilerdiń qatysýymen «Estradalyq marafon» túrinde ótedi. Onyń sońy otshashýǵa ulaspaq.
