Astananyń №1 qalalyq aýrýhanasy ISO halyqaralyq sapa sertıfıkatyna ıe boldy
ASTANA. 9 sáýir. QazAqparat - № 1 elordalyq aýrýhana Memleket basshysynyń Joldaýyna sáıkes halyqaralyq sapa standarttaryn engizý ústinde.
Álemdik ekonomıkadaǵy memlekettiń reıtıngisin kórsetetin basty faktorlardyń biri densaýlyq saqtaý sektorynyń damý deńgeıi bolyp tabylady. Osyǵan baılanysty №1 qalalyq aýrýhananyń ISO halyqaralyq sapa sertıfıkatyn alýy ómirdegi óte mańyzdy jaǵdaı bolyp sanalady.
Sertıfıkattalǵan aýdıtti TÜV Rheinland Group (TıÝF Reınland Grýpp) táýelsiz aýdıt qyzmeti usynǵan álemdegi eń bedeldi kompanııalardyń biri ótkizdi. Búgingi kúni kompanııa álemniń 61 elinde óziniń 500-ge tarta ókildigin ashqan. Qazaqstan Respýblıkasynda onyń resmı ókildigi 2009 jyldan beri jumys isteıdi.
«Nátıjesinde 2012 jylǵy jeltoqsanda Astana qalasynyń № 1 qalalyq aýrýhanasy sertıfıkattyq aýdıtten tabysty ótti»,- dep habarlady astana.kz saıtyna atalǵan aýrýhanadan.
2012 jyl aýrýhana tarıhyna sapa menedjmenti júıesin úzdiksiz jetildirý jyly bolyp endi. Ótken jyly kóptegen qujattar qaıta qaralyp, sapa menedjmenti júıesi halyqaralyq standarttarǵa sáıkestendirilip, jaqsartý baǵytyndaǵy birqatar is-sharalar júrgizildi.
ISO halyqaralyq sapa sertıfıkatyn saltanatty tapsyrý № 1 qalalyq aýrýhanada 11 sáýirde ótedi.
