Astananyń 1-4-synyp oqýshylary búgin sabaqtan bosatyldy
ASTANA. 5 jeltoqsan. QazAqparat - Búgin Elordada qar jaýyp, kúshti jel soǵyp, alaı-dúleı boran soǵyp tur. Soǵan baılanysty birinshi aýysymda oqıtyn 1-4-synyp oqýshylary úshin sabaqtar ótkizilmeıdi.
Bul týraly astana.kz saıtyna qalalyq Bilim basqarmasynan habarlady.
Jeldiń jyldamdyǵy 10-15 m/s quraıdy, ekpini 18 m/s jetedi.
«Búgin kúnniń sýytýyna jáne qatty jelge baılanysty birinshi aýysymda oqıtyn 1-4-synyp oqýshylary úshin sabaqtar ótkizilmeıdi»,- dep habarlady vedomstvodan.
«Qazgıdromet» RMK habarlaýynsha, elordada aýa temperatýrasy túnde -3;-5°C, kúndiz -2;-4°C bolady, jeldiń ekpini 15-20 m/s jetedi. Sınoptıkterdiń boljamynsha kóshpeli bult shyǵady, azdap qar jaýady, boran bolady.
