Astanany jaılylyǵy jaǵynan Sıngapýrǵa aınaldyrý qajet - N.Nazarbaev
ASTANA. QazAqparat - Astana óńirdegi eń jasyl qalaǵa aınalýy tıis. Bul týraly búgin elordany odan ári damytý jónindegi keńeste Elbasy Nursultan Nazarbaev aıtty.
«Meniń jasyl aımaqtardy, saıabaqtardy, baqtardy damytýǵa erekshe kóńil bóletindigimdi bilesińder. Bul óńirdegi Astananyń básekelestikti basymdyǵy bolýy tıis. Bizdiń klımattyń qataldyǵyna qaramastan qala jasyl bolýy tıis. Qurylystan bos terrıtorııalardyń barlyǵy da kógaldandyrylýy kerek. Kalgarı, Toronto qalalarynyń klımaty Qazaqstandaǵy sııaqty ǵoı. Olar adamnyń ómir súrýi úshin barynsha jaıly sanalady. Demek qoldarynan is keledi», - dedi N.Nazarbaev. Osy oraıda Elbasy qajettilik týyndaıtyn bolsa atalǵan qalalarǵa delegattar jiberip, olardyń tájirıbelerin zerdeleý qajettigin de basa aıtty. «Tipti, keleshekte Astanany jaılylyǵy jaǵynan máselen, Sıngapýrǵa aınaldyrý qajet degen mindet qoıý qajet. Nege osyndaı mindet júktemeske? Eger de biz osyndaı elordany sala alsaq, biz ondaı da tapsyrmany sheshe alamyz», - dedi QR Prezıdenti.
