Astanany turǵyzýda Elbasynyń eńbegi eren - balyq kásipornynyń jumysshylary

TÚRKІSTAN. QazAqparat - Túrkistan oblysy, Shardara aýdanyndaǵy «Hamıt» balyq kásipornynyń jumysshylary elorda ataýynyń ózgerýin qoldaıtynyn jetkizdi. Olardyń pikirinshe, Saryarqa tórindegi alyp shahardyń kúlli Alashtyń ortalyǵyna aınalýynda Elbasynyń eńbegi orasan, dep habarlaıdy QazAqparat tilshisi.

Shardaralyq kásiporyn jumysshylarynyń aıtýynsha, Qazaqstannyń álemdik arenadaǵy bedeli kún sanap artyp keledi.

«Elorda zamanaýı megapolıs retinde damyp, álem tanyǵan qalaǵa aınaldy. Al bul shahardy turǵyzýda Tuńǵysh Prezıdentimiz Nursultan Nazarbaevtyń eńbegi eren. Sondyqtan QR Prezıdenti Qasym-Jomart Toqaevtyń elordanyń atyn Nur-Sultan dep ózgertý týraly bastamasyn qoldaımyz»,- deıdi «Hamıt» óndiristik kooperatıviniń jumysshylary.

Búginde Shardara aýdanyndaǵy kooperatıvtiń ónimderi otandyq naryqta laıyqty ornyn taýyp otyr. Kásiporyn shyǵarǵan ónimder Qazaqstan ishinde satylyp qana qoımaı, shetelge eksporttalýda. Oǵan múmkindik te mol. Sebebi halyqaralyq deńgeıde Qazaqstannyń bedeli joǵary.

«Búginde elimizdiń dıplomatııalyq jáne ekonomıkalyq baılanysy durys jolǵa qoıylǵan. Bul rette, Ult Kóshbasshysy Nursultan Nazarbaevtyń eńbegi zor. Sondyqtan otandyq kásipkerlerge qoldaýyn aıamaǵan qaıratkerdiń esimi ulyqtalýy tıis dep esepteımiz jáne elordanyń atyn Nur-Sultan dep ózgertý týraly bastamany qoldaımyz»,- deıdi eńbekqor ujym.