Astanany sý basý qaýpi joq - Sý resýrstary komıteti

ASTANA. QazAqparat - Astanany sý basý qaýpi joq. Búgin QR Aýyl sharýashylyǵy mınıstrligi Sý resýrstary komıtetiniń tóraǵasy Islam Ábish osylaı málim etti, dep habarlaıdy QazAqparat.

 «17 sáýirde saǵat 11-den bastap 1 200 tekshe metrge deıin sý keldi. Bul óte joǵary deńgeı. Keıin aǵys qarqyny 1 044 tekshe metrge tústi.  Qazir Astana sý qoımasyna kelip jatqan sýdyń kólemi sekýndyna 150-200 tekshe metrdi qurap otyr. Osy oraıda onyń barlyǵyn sý qoımasynda saqtap qalý múmkindigimiz bar. Astana sý qoımasynyń syıymdylyǵy 410 mln. tekshe metr bolsa,  onda qazir 385 mıllıon tekshe metr sý toltyrylǵan, ıaǵnı taǵy 25 mln. tekshe metr jınaı alamyz»,- dedi I. Ábish baspasóz máslıhaty barysynda.

Budan bólek  komıtet tóraǵasy tıisti sý deńgeıi Astana sý qoımasynda saqtalǵanyn, al artyq kólemdegi aǵyn sý rettegishke jiberilgenin atap ótti. Elordany tasqyn sýdan qorǵaıtyn bul rettegishtiń syıymdylyǵy 450 mln. tekshe metrdi quraıdy. Búginde oǵan 250 mln. tekshe metr quıylǵan kórinedi. Saǵat 18:00-degi jaǵdaı boıynsha Astana sý qoımasynan rettegishke túsip jatqan aǵys tolyq jabyldy.

«Sý rettegishke jınalatyn 250 mln. tekshe metr sýdy «Esil» ózeni arqyly jiberemiz. ıAǵnı bir aıda 100 mln. tekshe metr sýdy ózenge baǵyttaımyz. Shamamen 150 mln. tekshe metri sý rettegishte qalady. Osy kólemdi mamyr, maýsym aılarynda jiberip otyramyz. Sondyqtan búginde qalany «Esil» ózeni arqyly nemese Astana sý qoımasy tarapynan tasqyn sý basyp qalatyndaı  eshqandaı qaýip joq. Ony tolyq senimmen aıta alamyz»,-dep túıindedi sózin I. Ábish.