Astanany lastaǵan júrgizýshiler 4 mln teńge aıyppul tóledi
ASTANA. QazAqparat - Astana qalasynyń ІІD Jergilikti polıtsııa qyzmetiniń tabıǵatty qorǵaý polıtsııasy stıhııalyq qoqys qaldyqtaryn tógýge jol bermeýge baǵyttalǵan is-sharalardy kúndelikti júrgizip otyrady, dep habarlaıdy elorda ákimdiginiń resmı saıty ІІD JPQ baspasóz qyzmetine silteme jasap.
Osy maqsatta qoqys qaldyqtary kóptep tógiletin jerlerge tekserister júrgizilýde. Turǵyndar arasynda ákimshilik zańnamany buzǵan úshin beriletin jaýapkershilik týraly túsindirý jumystary turǵylyqty túrde júrgizilip otyrady.
9 sáýirde Astana qalasy ІІD JPQ tabıǵatty qorǵaý polıtsııasy qyzmetkerleri Ilınka kentinde, ıaǵnı Qorǵaljyn tas joly kóshesi boıynda belgilenbegen orynda qurylys qoqystaryn tastaǵan «KamAZ» avtokóliginiń júrgizýshisi, 1968 jyly týylǵan A. esimdi azamatty ustady.
Quqyq buzýshy QR ÁQBtK-niń 505 baby «Qalalar men eldi mekenderdiń aýmaqtaryn abattandyrý qaǵıdalaryn buzý...» boıynsha ákimshilik jaýapkershilikke tartylyp, 30 AEK (72 150 teńge) kóleminde aıyppul salyndy.
Jalpy 2018 jyldyń basynan beri belgilenbegen orynda qoqys qaldyqtaryn, qardy, las suıyqtyqty tókken 156 júrgizýshi jaýapkershilikke tartyldy. Salynǵan aıyppuldyń jalpy somasy shamamen 3 mln 870 myń teńgeden astam.
