Astanany qardan tazartýǵa myńnan astam tehnıka jumyldyryldy
ASTANA. QazAqparat - Astanada ótken táýlik ishinde 42 myń tekshe metr qar qala syrtyna shyǵaryldy, dep habarlaıdy elorda ákimdiginiń medıa ortalyǵy.
Qalany qardan tazalaýǵa 1 076 tehnıka men 2 212 jol tazalaýshysy aınalysýda. Ótken táýlik ishinde ǵana qala syrtyna 42 myń tekshe metr qar shyǵaryldy. Tazalaý jumystary qolaısyzdyq týdyrmas úshin negizgi jumystar túngi ýaqytta júrgizilýde.
«Brıgada óz jumysyn keptelis tarqaǵan kezde, keshki saǵat 8-de bastaıdy. Árıne, kúndiz de jumys isteımiz, biraq turǵyndarǵa kedergi keltirmeýge tyrysamyz», - dedi «Astana-Tazalyq» JShS dırektory Boranbaı Bolatbekov.
Sondaı-aq jolda kóktaıǵaqtyń aldyn alý úshin qum men tuz aralasqan qospa pen kóktaıǵaqqa qarsy reagent paıdalanylýda. Kóshelerge 536 tekshe metr qum-tuz qospasy men kóktaıǵaqqa qarsy 6 tonnaǵa jýyq reagent shashyldy.
