Astanany qar basyp qaldy
ASTANA. QazAqparat - Astanany qar basyp qaldy, dep habarlaıdy QazAqparat.
Astanada 18 sáýir kúni túnge qaraı jaýǵan jaýynnyń sońy qarǵa ulasty. Qala kóshelerin aq ulpa qar basyp qaldy.
Eske sala ketsek, budan buryn Qazgıdromet sáýir aıynyń salqyn ári jaýyndy bolatyndyǵyn boljaǵan bolatyn.
Sınoptıkter sáýir aıynda aýa raıy aldamshy bolatyndyǵyn aıtady.
«Úshinshi onkúndiktiń basynda jáne sońyna qaraı kún raıy qaıtadan sýyta túsedi. Elimizdiń soltústik aımaqtarynda jaýyn-shashyndy bolady. Túnde aýanyń temperatýrasy 0-den tómen, kúndiz 5-15 jylylyqty kórsetedi. Al ońtústik óńirlerde ótkinshi jaýyn jaýyp, naızaǵaı kúrkireıdi. Aýanyń túngi temperatýrasy 5-10 gradýs jyly, kúndiz 15-20 deıin kóteriledi», - degen edi «Qazgıdromet» RMK-nyń Uzaq merzimdi aýa raıy boljamy basqarmasynyń basshysy Gúlmıra Aqysheva.
Aıta keteıik, jaqynda ǵana "QazAqparat" agenttiginiń resmı saýalyna "Qazgıdromet" RMK jaýap berip, bıylǵy kóktem men jazdaǵy aýa raıyna qatysty boljamdardy jarııalaǵan bolatyn.
