Astanany gazben otandyq resýrstar esebinen qamtamasyz etý josparlanýda - «QazTransGaz» AQ
ASTANA. QazAqparat - Astanany gazben otandyq resýrstar esebinen qamtamasyz etý josparlanýda. Bul týraly keshe «QazTransGaz» AQ bas dırektory Serik Sultanǵalı elordadaǵy baspasóz máslıhatynyń barysynda málim etti.
«Astanany gazben qamtamasyz etý - Memleket basshysynyń tapsyrmasy. Alǵashqy nusqa boıynsha reseılik gazben qamtý qarastyrylǵan bolatyn, biraq ta muny bizdiń úkimetimiz qoldamady. Birinshiden, qymbat, ekinshiden, resýrstyń ózine qatysty aıtar bolsaq, bireýdiń gazy, búgin bar, erteń joq, muny biz Ózbekstannyń mysalynan kórip otyrmyz. Sondyqtan da ekinshi nusqa - «Beıneý-Bozoı» jáne basqa da magıstaldardy qosa alǵanda, óz resýrstarymyz esebinen qamtamasyz etýdi qarastyrýdamyz. Mundaı múmkindik bar. Buǵan qarjylyq shyǵyndar qajet. Bárin de esepteý kerek, biz osy jumyspen aınalysýdamyz. Bul másele erekshe baqylaýda tur», - dep atap ótti S.Sultanǵalı.
Eske sala keteıik, gaz máselesi eldiń ońtústik óńirlerine ony jetkizý problemalarymen baılanysty ýshyǵyp ketti, búgingi tańda bul másele sheshildi.
