Astanany damytýǵa qosymsha qarjy bólinedi

ASTANA. QazAqparat - Aǵymdaǵy jyly Astana men Almaty qalalaryn damytýǵa qosymsha qarajat bólinedi. Bul týraly Májiliste «2018-2020 jyldarǵa arnalǵan respýblıkalyq bıýdjetti naqtylaý týraly» QR zańynyń jobasyn tanystyrǵan QR Qarjy mınıstri Baqyt Sultanov aıtty, dep habarlaıdy QazAqparat.

«Naqtylanǵan jobada Astana jáne Almaty qalalaryn odan ári damytýǵa qosymsha qarajat bólý kózdeledi», - dep atap ótti mınıstr.

Onyń aıtýynsha, EKSPO kórmesin ótkizgennen keıin Ulttyq qordan nysanaly transfertterden bas tartý men kepildendirilgen transfertti azaıtýdy eskere otyryp, Astana jána Almaty qalalaryna beriletin transfertter azaıtylǵan.

«Astana qalasyn damytý jáne elordamyzdyń 20 jyldyǵyn joǵary deńgeıde qarsy alý týraly Memleket basshysynyń tapsyrmalaryn, sondaı-aq bıýdjet túsimderiniń boljamdy ulǵaıýyn eskere otyryp, atalǵan maqsattarǵa qosymsha 36,3 mlrd teńge baǵyttaý usynylady», - dedi Baqyt Sultanov.