Astanany bıyl da tútin basa ma - ákimdik jaýaby
ASTANA. QazAqparat -Elorda ákimdigi brıfıngte qysta qalany basyp qalatyn tútinge qatysty saýalǵa jaýap berdi, dep habarlaıdy QazAqparat tilshisi.
Eske salsaq, qańtarda elordanyń aspanyn tútin basyp qalyp, oǵan jylý elektr ortalyǵy túsinik bergen bolatyn.
«Tútin - áli de bar. Bunyń másele ekenin bilesizder. Jelsiz kúni jeke sektordan, avtokólikter men avtonomdy qazandyqtardan qaldyqtar kókke kóteriledi de, tútin paıda bolady. Meniń oıymsha, gaz tartý jumysy retke keltirilgennen keıin jaǵdaı edáýir jaqsarýy tıis. Bıyl da Astanada tútinge baılanysty problema bolýy múmkin», - deıdi Astana qalasynyń qorshaǵan ortany qorǵaý jáne tabıǵatty paıdalaný basqarma basshysy orynbasarynyń mindetin atqarýshy Ábdimanap Jumadildaev.
Onyń aıtýynsha, Jylý-elektro ortalyqtarynda murjalardyń bıiktigi uzartylǵan.
«Negizgi jylý báribir kómir arqyly taralady. Bıyl jylý-elektr ortalyqtary murjalardyń bıiktigin 120 metrge jetkizdi. Osynyń arqasynda tútinniń bir bóligi qalaǵa kelmeıtin bolady», - deıdi Ábdimanap Jumadilov.
Atalǵan brıfıngte Astana qalasynyń otyn-energetıkalyq kesheni jáne kommýnaldyq sharýashylyǵy basqarmasy otyn-energetıkalyq resýrstar bóliminiń basshysy Maqsat Esmaǵulov bıyl elordada kómir baǵasy qansha bolatyndyǵyn aıtyp bergen edi.
