Astanany baq-qalaǵa aınaldyrýdyń alǵashqy nátıjelerine bıyl qol jetkizý qajet - Prezıdent
«Jarty jyl buryn ákimdiktiń aldyna 5 jyl ishinde Astanany baq-qalaǵa aınaldyrý mindetin qoıdym. Bul baǵyttaǵy naqty qadamdar áli de jetkiliksiz. Sizdiń keńesshińiz bolyp tájirıbeli maman Erlan Nysanbaev bolyp taǵaıyndaldy. Ol bul tapsyrmany sheshe alady dep úmitteneıik. Elordany aýqymdy kógaldandyrý boıynsha alǵashqy naqty nátıjelerge bıylǵy jyly qol jetkizý qajet», - dedi Memleket basshysy.
Bul rette Prezıdenttiń atap ótýinshe, zamanaýı tehnologııalardy qoldaný mańyzdy.
«Aıtalyq, jasyl jelekterdi sýarý áli kúnge deıin eski ádispen júzege asyrylady. Tamshylatyp sýarý qoldanylmaıdy. Jumys ádisterin ózgertý kerek. Ázirge óte qymbat baǵalar boıynsha shuǵyl maýsymdyq jumystarǵa basa nazar aýdarylady, bul proportsıonaldy emes úlken bıýdjettik shyǵyndarǵa ákeledi. Sonymen qatar qalanyń syrtqy kórinisin retsiz jáne qyr sońyńnan qalmaıtyn jarnamalardan týyndaǵan «vızýaldy shý» da aıtarlyqtaı buzady. Bul másele jergilikti bıliktiń bıznes-qoǵamdastyqpen erekshe nazar aýdarýyn jáne qajyrly eńbegin qajet etedi. Jalpy, Úkimetke ákimdikpen birlesip, elordanyń kelbeti men abattandyrý máselelerin retteýge múmkindik beretin qajetti normalar men erejelerdi ázirleýdi tapsyramyn. Sonymen qatar Astananyń jańa Bas josparynda qala damýynyń birtutas jáne teńdestirilgen kózqarasyn usyný qajet», - dedi Qasym-Jomart Toqaev.
